Այն կարծիքը, որ եգիպտական բուրգերը կառուցվել են ստրուկների կողմից, շրջանառության մեջ է դրվել դեռևս Ք.ա. 5-րդ դարում հույն պատմաբան Հերոդոտոսի կողմից: Սակայն այս տեսակետը մերժվեց այն ժամանակ, երբ Գիզայի բուրգերի մոտակայքում հայտնաբերվեցին շինարարների մասունքները: Հին Եգիպտոսում աստվածային փարավոնների հարևանությամբ թաղվելը մեծագույն պատիվ էր, որը երբեք չէր կարող շնորհվել ստրուկներին: 

Շատերը կարծում են, որ մենք բացահայտել ենք հնարավոր ամեն բան Անտիկ Եգիպտոսի մասին, և եգիպտագիտությունը մեռած ու թաղված առարկա է: Սակայն սա պարզապես թյուրիմացություն է, քանի որ մինչ օրս հնագետները ցնցող հայտնագործություններ են անում եգիպտական քաղաքակրթության մասին: Որպես ասվածի վառ ապացույց կարող է ծառայել վերջերս հայտնաբերված Արևի նավը, որը դուրս է բերվել Մեծ Բուրգից:

Եգիպտոսի վերջին փարավոն Կլեոպատրա VII-ը համաշխարհային պատմության մեջ հայտնի է եղել իր շլացնող գեղեցկությամբ: Սակայն հռոմեական մետաղադրամների վրա պատկերված Կլեոպատրան տղամարդկային դիմագծեր ունի մեծ քիթ, դուրս ցցված կզակ և բարակ շուրթեր, որոնք չեն համապատասխանում գեղեցկության մասին որևէ մշակույթի ունեցած պատկերացումների: Այնուամենայնիվ ժամանակակից աղբյուրները հավաստում են, որ նա խելացի և խարիզմատիկ կին է եղել:

10 Փետրվարի 2024, Շաբաթ | 727