ԶԲՈՍԱՇՐՋԱՅԻՆ ԾԱՌԱՅՈՒԹՅՈՒՆՆԵՐԻ ՄԱՏՈՒՑՄԱՆ  
ՊԱՅՄԱՆԱԳԻՐ

ՀՀ, ք. Երևան                                                                                                                                                                                                                                                                                                                                                                                                                                                                       xxx,    2023թ.

«Ունիկալ Տուրեր» սահմանափակ պատասխանատվությամբ ընկերությունը (ՀՎՀՀ՝ 00506876), ի դեմս տնօրեն Մ․ Ասլանյանի, ով գործում է ընկերության կանոնադրության հիման վրա (այսուհետ նաև՝ Գործակալ), մի կողմից, և ՀՀ քաղաքացի XXX (անձ․՝ AR xxxx, տրվ․ xxx կողմից, xx xx xxxx թ.-ին, ծնված՝ xx.xx.xxxx թ․-ին) (այսուհետ նաև՝ Պատվիրատուի)  (Գործակալի և Պատվիրատուի համատեղ հիշատակման դեպքում այսուհետ նաև՝ Կողմեր), կնքեցին սույն պայմանագիրը (այսուհետ նաև՝ Պայմանագիր) հետևյալի մասին.
      ՊԱՅՄԱՆԱԳՐԻ ԱՌԱՐԿԱՆ
⦁    Պայմանագրով Գործակալը պարտավորվում է Պատվիրատուի անունից և Պատվիրատուի հաշվին, կազմակերպել սույն Պայմանգարի 1.2 կետում նշված զբոսաշրջային ծառայությունների (այսուհետ նաև` Ծառայություններ) մատուցումը, իսկ Պատվիրատուն պարտավորվում է վճարել Ծառայությունների դիմաց։
⦁    Ծառայություններ են համարվում՝
⦁    Կեցության վայրի ապահովում
⦁    Անհատական և/կամ խմբակային փոխադրումներ
⦁    Ավիատոմսերի վաճառք
⦁    Կողմերը ընդունում են, որ Պայմանագրի հիման վրա առաջացած հարաբերությունները միջնորդավորված հարաբերություններ են և Գործակալը Ծառայությունները անմիջական մատուցող չի համարվում։
⦁    Պայմանագրի    շրջանակներում    Գործակալը    այլ    անձանց    հետ իրավահարաբերություններում գործում է Պատվիրատուի անունից և(կամ) Պատվիրատուի հաշվին։
⦁    Պայմանագրի հիման վրա Զբոսաշրջային ծառայությունների կազմակերպման նպատակով Պատվիրատուի անունից և նրա հաշվին իրականացրած գործողությունների արդյունքում անմիջականորեն իրավունքներ և պարտականություններ առաջանում են Պատվիրատուի համար։
⦁    Պատվիրատուն Գործակալի համաձայնության դեպքում կարող է Պայմանագրի 1.2 կետում նշված ծառայությունները ընտրել առանձին-առանձին։
⦁    Պայմանագրի 1.2. կետի «Ավիտոմսերի վաճառք» ծառայության հետ կապված իրավահարաբերությունները բացառապես կարգավորվում են ավիատոմսով, փոխադրման պայմաններով և միջազգային կոնվենցիաներով։
⦁    Եթե Ծառայության մեջ ներառվում է Պայմանագրով սահմանված ավիատոմսի վաճառքը, ապա ավիատոմսը համարվում է սույն պայմանագրի անբաժանելի մասը։

      ԿՈՂՄԵՐԻ ԻՐԱՎՈՒՆՔՆԵՐԸ ԵՎ ՊԱՐՏԱԿԱՆՈՒԹՅՈՒՆՆԵՐԸ
⦁    Գործակալն իրավունք ունի`
⦁    Պայմանագրային պարտականությունների կատարման համար իր հայեցողությամբ ներգրավել երրորդ անձանց։
⦁    Պատվիրատուի անունից և/կամ Պատվիրատուի հաշվին ընտրել անմիջականորեն մատուցողին։
⦁    Պահանջել Պատվիրատուից տրամադրել Ծառայությունների մատուցման վերաբերյալ անհրաժեշտ և հավաստի փաստաթղթեր և տեղեկություններ։
⦁    Սույն Պայմանագրի 2.1.3 կետով նախատեսված անհրաժեշտ և հավաստի փաստաթղթերը և տեղեկատվությունը չտրամադրելու և/կամ ոչ հավաստի և/կամ ոչ լրիվ տրամադրման դեպքում՝ չկատարել Պայմանագրից բխող իր պարտականությունները։
⦁    Պատվիրատուին տալ պարտադիր կատարման ենթակա ցուցումներ։
⦁    Պատվիրված ծառայությունների դիմաց Պատվիրատուից պահանջել Պայմանագրով սահմանված կարգով և ժամկետներում փոխանցել Ծառայության արժեքը:
⦁    Ցանկացած ժամանակ լուծել սույն Պայմանագիրը` առնվազն 10 (տասը) օր առաջ գրավոր տեղեկացնելով Պատվիրատուին։
⦁    Գործակալը պարտավոր է՝
⦁    Կազմակերպել Ծառայությունների մատուցման հետ կապված գործողությունները Պատվիրատուի տրամադրած տեղեկությունների հիման վրա:
⦁    Պատվիարտուին տրամադրել Ծառայությունների մատուցման վերաբերյալ անհրաժեշտ բոլոր տեղեկությունները և պայմանները։
⦁    Պատվիրատուն իրավունք ունի՝
⦁    Պահանջել Գործակալից պատշաճ կատարել Պայմանագրով սահմանված պարտավորությունները:
⦁    Պահանջել Գործակալից տրամադրել տեղեկատվություն Ծառայությունների մատուցման պայմանների, կարգի և ժամկետների վերաբերյալ։
⦁    Պատվիրատուն պարտավոր է՝
⦁    Պարտավորությունները կատարել պատշաճ՝ Պայմանագրով և ՀՀ օրենսդրությամբ սահմանված պահանջների պահպանմամբ։
⦁    Հարգել ժամանման երկրի (տեղանքի) ավանդույթները, սովորույթները, կրոնական հավատալիքները.
⦁    Չխախտել    հասարակական    կարգը,    պահպանել    հրդեհային անվտանգության կանոնները և կատարել ժամանման երկրի տարածքում գործող օրենքների պահանջները:
⦁    Ժամանակին և Պայմանագրով սահմանված կարգով վճարել Ծառայությունների դիմաց։

    ՎԱՈՒՉԵՐ
⦁    Այն դեպքում, երբ Ծառայությունը ներառում է Պայմանագրի 1․2․1 կետով նախատեսված կեցության վայրի ապահովման ծառայություն, ապա յուրաքանչյուր նման ծառայության իրացման դեպքում Պատվիրատուին տրամադրվում է վաուչեր, որը պետք է պարունակի տեղեկություններ Ծառայությունը մատուցողի վերաբերյալ, այդ թվում՝ կեցության վայրի գտնվելու վայրը, տեսակը, կարգը, սննդի կազմակերպման և մատուցման ծառայության հաճախականությունը, պայմանները,
⦁    Վաուչերը պարտադիր ենթակա է ներկայացման Ծառայությունները մատուցողին:
⦁    Վաուչերը սույն պայմանագրի անբաժանելի մասն է կազմում։

     ՏԵՂԵԿՈՒԹՅՈՒՆ ԾԱՌԱՅՈՒԹՅՈՒՆՆԵՐԻ ՎԵՐԱԲԵՐՅԱԼ
⦁    Ծառայությունների մատուցման ժամկետն է՝ XX.XX.XXXXթ․-իվ  -  XX.XX.XXXXթ․-ը ներառյալ։
⦁    Աանհատական և/կամ խմբակային փոխադրումները իրականացվում են։
Հյուրանոցի կացություն        HOTEL -  All Inclusive,                
Ավիատոմսեր՝   Երկկողմանի ավիատոմսեր      
Փաթեթը`նախատեսված է X անձի համար ՝ 
1․ XXXX    XXXXX   անուն ազգանուն   

Խմբակային դիմավորում,  ճանապարհում
 
     ՎՃԱՐՄԱՆ ԿԱՐԳԸ և ՊԱՅՄԱՆՆԵՐԸ
⦁    Ծառայությունների ամրագրումն հաստատելու պահից հետո անմիջապես Պատվիրատուն պարտավոր է Պայմանագրում նշված գինը Գործակալի բանկային հաշվին փոխանցել Ծառայությունների արժեքի 50 (հիսուն) տոկոսը։ Ծառայությունների արժեքի մնացած 50 (հիսուն) տոկոսը ենթակա է փոխանցման Գործակալին ոչ ուշ, քան Պատվիրատուի թռիչքի օրավնից 20 (քսան) օրացուցային օր առաջ։ 
⦁    Եթե Ծառայությունների ամրագրման և թռիչքի օրվա միջև ընկած ժամանակահատվածը պակաս է 22 (քսաներկու) օրացուցային օրվանից, ապա Ծառայությունների ամրագրման ամբողջ գումարը՝ 100 (հարյուր) տոկոսը ենթակա է փոխանցման Գործակալին Ծառայությունների ամրագրման հաստատման պահից հետո անմիջապես։
⦁    Սույն պայմանագրի կատարման ընթացքում Կողմերի միջև բոլոր վճարումներն իրականցվում են ՀՀ դրամով։
⦁    Ծառայության արժեքը  XXX    դոլարին համարժեք  ՀՀ դրամ։
⦁    Գործակալը կարող է միակողմանիորեն փոփոխել 5.4 կետում նշված արժեքը հետևյալ դեպքերում՝
⦁    տրանսպորտային ծախսերի փոփխության,
⦁    մաքսային գանձումների և տուրքերի փոփոխության
⦁    տարադրամի փոխարժեքի փոփոխության։

     ԾԱՌԱՅՈՒԹՅՈՒՆՆԵՐԻ ԱՄՐԱԳՐՈՒՄՆԵՐԻ ՉԵՂԱՐԿՈՒՄԸ
⦁    Ծառայությունների հաստատված ամրագրումը թռիչքից առաջ մինչև 31 (երեսունմեկ) օրացուցային օր չեղյալ համարելու դեպքում, Գործակալը 3 (երեք) աշխատանքային օրվա ընթացքում վերադարձնում է տվյալ Ծառայությունների ողջ արժեքը Պատվիրատուին: Այն դեպքում, երբ Ծառայությունների հաստատված ամրագրումը ներառում է նաև ավիատոմսերի վաճառքի ծառայություն, ապա թռիչքից առաջ մինչև 31 (երեսունմեկ) օրացուցային օր չեղյալ համարելու դեպքում Գործակալը 3 (երեք) աշխատանքային օրվա ընթացքում Պատվիրատուին է վերադարձնում չեղարկված Ծառայությունների արժեքը՝ բացառությամբ 40, 000 (քառասուն հազար) ՀՀ դրամ տուգանք՝ ավիատոմսի վաճառքի չեղարկման համար։ Մնացած ավիատոմսի գումարը, հյուրանոցի և ուղևորափոխադրման գումարը ձևակերպվում է որպես դեպոզիտ 18 (տասնութ) ամիս ժամկետով։
⦁    Հաստատված ամրագրումը թռիչքից նվազագույնը 21-ից 31 օրացուցային օր առաջ ընկած ժամանակահատվածում չեղյալ համարելու դեպքում Գործակալը չի վերադարձնում ծառայությունների արժեքի 30%-ը: Մնացած ավիատոմսի գումարը, հյուրանոցի և ուղևորափոխադրման գումարը ձևակերպվում է որպես դեպոզիտ 18 (տասնութ) ամիս ժամկետով։ Հաստատված ամրագրումը թռիչքից նվազագույնը 11-ից 21 օրացուցային օր առաջ ընկած ժամանակահատվածում չեղյալ համարելու դեպքում Գործակալը չի վերադարձնում Ծառայությունների արժեքի 50%-ը: Մնացած ավիատոմսի գումարը, հյուրանոցի և ուղևորափոխադրման գումարը ձևակերպվում է որպես դեպոզիտ 18 (տասնութ)  ամիս ժամկետով։
⦁    Հաստատված ամրագրումը թռիչքից նվազագույնը 11 (տասնմեկ) օրացուցային օր առաջ ընկած ժամանակահատվածում չեղյալ համարելու դեպքում Գործակալը չի վերադարձնում ծառայությունների արժեքի 100%-ը, վիզայի արժեքը վերադարձի ենթակա չէ։
⦁    Ցանկացած պարագայում Ծառայություններից հրաժարվելու դեպքում Գործակալն իրավունք ունի պահանջել Պատվիրատուից իր կողմից կատարված անմիջական կամ կամ անուղղակի ծախսերի փոխհատուցում։

• Վաղաժամ ամրագրումներով հաստատված ծառյությունները ենթակա չեն չեղարկման: Վաղաժամ ամրագրումներով հաստատված ծառայություններից հրաժարվելու դեպքում ամրագրման ամբողջ արժեքը ենթակա է վճարման, իսկ վճարված լինելու դեպքում՝ ենթակա չէ վերադրձման:      

•  Վաղաժամ ամրագրմամբ հաստատված ծառայություններում փոփոխություններ չեն կարող իրականացվել: Այդպիսի յուրաքանչյուր փոփոխություն  համարվում է նոր ամրագրում և դրա նկատմամբ կիրառվում են պայմանագրով սահմանված համապատասխան կարգավորումները:

     ԿՈՂՄԵՐԻ ՊԱՏԱՍԽԱՆԱՏՎՈՒԹՅՈՒՆԸ
⦁    Գործակալը պատասխանատվություն չի կրում Պատվիրատուի փոխանցված փատաթղթերի և տեղեկությունների ոչ ճիշտ և/կամ թերի ներկայացման պատճառով առաջացող անբարենպաստ հետևանքների համար։
⦁    Պայմանագրով ստանձնած պարատականությունների չկատարման և/կամ ոչ պատշաճ կտարման համար պատասխանատվություն է կրում Ծառայությունները անմիջականորեն մատուցողը։
⦁    Ծառայությունների ամրագրման դիմաց վճարումները Գործակալին փոխանցելու պարտավորությունը կետանցով կատարելու դեպքում Պատվիրատուն Գործակալի պահանջով վճարում է տույժ՝ կետանցի յուրաքանչյուր օրվա համար փոխանցման ենթակա գումարի 0,15 (զրո ամբողջ տասնհինգ) տոկոսի չափ։
⦁    Պայմանագրի 5-րդ հոդվածում ներկայացված վճարման կարգի և պայմանների Պատվիրատուի կողմից ցանկացած խախտման համար Գործակալի մոտ առաջանում է իրավունք լուծել սույն Պայմանագիրը՝ հաշվի առնելով սույն Պայմանագրի 6-րդ հոդվածում նշված կարգավորումները։
⦁    Գործակալը պատասխանատվություն չի կրում բոլոր այն դեպքերում, երբ Պայմանագրով ստանձնաց պարտավորությունների չկատարումը կամ ոչ պատշաճ կատարումը հետևանք են Պայմանագրով սահմանված՝ Պատվիրատուի կողմից իր պարտականությունների չկատարման և/կամ թերի կատարման և/կամ ուշացմամբ կատարման։
⦁    Գործակալը պատասխանատվություն չի կրում Պայմանագրով ստանձնած պարտականությունների չկատարման և/կամ ոչ պատշաճ կատարման համար, եթե դա պայմանավորված է պետությունների վարչարարություն իրականանող և/կամ իրավասու իշխանական մարմնի գործողությունների և/կամ հայեցողական լիազորությունների կատարման, ինչպես նաև կայացված որոշումների (գրավոր և/կամ բանավոր) և դատական ակտերի հետևանքով։
⦁    Գործակալը պատասխանատվություն չի կրում Պատվիրատուի կողմից տրամադրված փաստաթղթերի և/կամ տեղեկության սխալ կամ թերի լինելու կամ տրամադրման ենթակա փաստաթղթերի չտրամադրման պատճառով առաջացած հետևանքների համար։
⦁    Պայմանագրով իրենց պարտավորությունները չկատարելու կամ անպատշաճ կատարելու համար Կողմերը պատասխանատվություն են կրում ՀՀ օրենսդրությամբ և Պայմանագրով սահմանված կարգով:

     ԳԱՂՏՆԻՈՒԹՅՈՒՆ
⦁     Կողմերը պարտավորվում են չհրապարակել սույն Պայմանագրով սահմանված գործողությունների ընթացքի վերաբերյալ չճշտված և ոչ հավաստի այնպիսի տեղեկություններ, որոնք կարող են վնաս հասցնել Կողմերի համբավին և հանգեցնել երրորդ անձանց մոտ Կողմերի գործունեության և մատուցվող ծառայությունների վերաբերյալ ոչ հավաստի կարծիքի ձևավորմանը:

     ԱՆՀԱՂԹԱՀԱՐԵԼԻ ՈՒԺԻ ԱԶԴԵՑՈՒԹՅՈՒՆԸ (ՖՈՐՍ-ՄԱԺՈՐ)
⦁    Պայմանագրով ստանձնած պարտավորությունների չկատարման կամ ոչ պատշաճ կատարման համար Կողմերը պատասխանատվություն չեն կրում, եթե դա հանդիսացել է անհաղթահարելի ուժի հետևանք, ինչպիսիք են` տարերային աղետները, հրդեհները, ջրհեղեղները, փոթորիկները, երկրաշարժերը, ռազմական գործողությունները, ահաբեկչական ակտերը, քաղաքացիական հուզումները, գործադուլները, պետական կամ տեղական ինքնակառավարման մարմինների նորմատիվ կամ անհատական իրավական ակտերը, ինչպես նաև Պայմանագրով ստանձնած պարտավորությունների կատարումն անհնար դարձնող և սույն կետում չնշված այլ արտակարգ և անկանխելի հանգամանքներ, որոնք Կողմերը չեն կարող կառավարել (այսուհետ` Անհաղթահարելի ուժ) և Կոմղը/Կողմերը չեն կրում այդ հանգամանքների առաջացման ռիսկը: Կողմերն իրավունք ունեն հղում կատարել սույն կետով սահմանված պատասխանատվությունից ազատվելու հիմքերին միայն այն դեպքում, երբ Պայմանագրով ստանձնած պարտավորության չկատարման և Անհաղթահարելոի ուժի միջև առկա է ուղղակի պատճառահետևանքային կապ:
⦁    Անհաղթահարելի ուժի առկայության դեպքում Կողմերը պետք է անհապաղ միմյանց գրավոր տեղեկացնեն այդ հանգամանքների առաջացման, ինչպես նաև վերացման մասին, ընդ որում` վերանալուց ոչ ուշ քան 24 ժամվա ընթացքում:
⦁    Այն դեպքում, երբ Անհաղթահարելի ուժի առկայության հետևանքով Պայմանագրի կնքման պահին ակնկալվող արդյունքին հասնելու նպատակով Կողմը պետք է կատարի անհամաչափ ծախսեր, ապա այդ Կողմն իրավասու է Անհաղթահարելի ուժի գործողության սկզբից միակողմանիորեն լուծել Պայմանագիրը` այդ մասին Պայմանագրի լուծման ենթադրյալ պահից անհապաղ մյուս Կողմին գրավոր ծանուցելով:

     ԱՅԼ ՊԱՅՄԱՆՆԵՐ
⦁    Պայմանագրի բոլոր փոփոխությունները և լրացումները պետք է կատարվեն գրավոր՝ Կողմերի լիազոր ներկայացուցիչների կողմից ստորագրված փաստաթուղթ կազմելու միջոցով:
⦁    Կողմերը փոխադարձ համաձայնությամբ կարող են լուծել սույն Պայմանագիրը։ Պայմանագրի դադարումը Կողմերին չի ազատում մինչ այդ պահն ունեցած պարտավորությունների կատարումից։
⦁    Սույն պայմանագրի կապակցությամբ ծագած վեճերը լուծվում են բանակցությունների միջոցով: Սույն Պայմանագրի հիման վրա ծագած պարտավորաիրավական հարաբերությունների կապակցությամբ առաջացած վեճերը ենթակա են լուծման ՀՀ օրենսդրությամբ սահմանված կարգով։
⦁    Պայմանագիրն ուժի մեջ մտնելու պահից ուժը կորցրած են ճանաչվում Պայմանագրի առարկայի վերաբերյալ նախկինում Կողմերի միջև գրավոր, բանավոր կամ կապի ցանկացած միջոցներով ձեռք բերաված բոլոր պայմանավորվածությունները;
⦁    Սույն Պայմանագիրը կազմված է հայերեն լեզվով, 6 թերթից, կնքվում է երկու օրինակից, որոնք ունեն հավասար իրավաբանական ուժ: Յուրաքանչյուր Կողմին տրվում է մեկ օրինակ:
⦁    Սույն պայմանագրով կատարված բոլոր գրավոր ծանուցումներն ընդունելի են Կողմերի կողմից, եթե դրանք կատարվել են սույն պայմանագրի 11-րդ գլխում նշված Կողմերի հասցեներով` փոստային ծանուցման կամ առձեռն հանձնման միջոցով։
⦁    Սույն պայմանագրի 11-րդ գլխում նշված վավերապայմաններում փոփոխություններ կատարվելու դեպքերում Կողմերը ծանուցում են միմյանց այդ մասին` համապատասխան փոփոխությունը կատարվելուց հետո եռօրյա ժամկետում կամ անհապաղ, եթե փոփոխությունը վերաբերում է բանկային վավերապայմաններին և էլեկտրոնային փոստի հասցեին:
⦁    Պայմանագիրը կատարելիս Կողմերը ղեկավարվում են ՀՀ գործող օրենսդրությամբ: