«Քրիք» ծովախորշ: Սա քաղաքի ամենագլխավոր հատվածն է, դրա շնորհիվ է հնարավոր եղել զարգացնել քաղաքի առտևրային հատվածը: Քաղաքի հենց այս հատվածն է ծառայում որպես յուրահատուկ ժամանակի մեքենա, որն իր մեջ է պահում քաղաքի դարավոր պատմության ընթացքում կատարված փոփոխությունները:

Բաստակիա: Սա քաղաքի պատմական թաղամասն է, որտեղ բազմաթիվ հինավուրց կառույցներ կան: Այստեղ մշտապես վերականգնողական աշխատանքներ են տարվում, և Բաստակիան իր թարմացված տեսքով արժանի տեղ է գրավում Դուբայի տեսարժան վայրերի ցուցակում:

Մեծ մզկիթ: Սա ոչ միայն կրոնական հսկայական խորհրդանիշ է, այլև ճարտարապետական շքեղ հուշարձան: Այն կառուցվել է IX դարի կեսին, բայց դարեր շարունակ վերակառուցվել է: Այժմ այն կարող է պարծենալ 9 մեծ և 45 փոքր գմբեթներով, իսկ գլխավոր մինարեթի բարձրությունը 70մ է:

Քաղաքային շուկաներ: Ծովախորշից մի-փոքր հեռու գտնվող շուկաներում տեղական անկրկնելի մթնոլորտ է տիրում: Այստեղ կարելի է գտնել անսովոր իրեր՝ սկսած թարմ ձկնից և տաք հացից մինչև թանկարժեք կտորներ և ոսկեղեն, իսկ վաճառողները ջանասիրաբար գովում են իրենց ապրանքը:

Ջումեյրա: Այս զարմանալի արմավենի-կղզին զարմացնում է իր չափսերով: Պատկերացրեք միայն՝ դրա տրամագիծը 6000 մ է: Իսկ եթե հաշվի առնենք, որ այն աշխարհի ամենամեծ արհեստական կղզին է, որը նաև երևում է տիեզերքից, ապա հաստատ արժե տեսնել դա սեփական աչքերով գոնե երկրագնդի վրայից:

«Ski Dubai»: Սա Մերձավոր Արևելքի առաջին լեռնադահուկային հանգստավայրն է: Ամառային տապից հետո ձմեռային զովությունը պարզապես հրաշալի բան է:

Ակվապարկ «Wild Wadi»: Սա նույնպես Դուբայի հիմնական տեսարժան վայրերից է: Այստեղ ձեզ են սպասվում աշխարհի ամենատարբեր ջրային ատրակցիոններն ու լողավազանները:

Բուրջ Ալ Արաբ» հյուրանոց: Այս 7 աստղանի հյուրանոցն իր շքեղությամբ անցել է անգամ «Atlantis» հյուրանոցին: Իր տեսքով այն հիշեցնում է 320 մետրանի առագաստի, որը Դուբայի խորհրդանիշն է և կարելի է հանդիպել գրեթե բոլոր հուշանվերների վրա: «Բուրջ Ալ Արաբի» ինտերիերում օգտագործված է ավելի քան 8000 քմ/մ 22 կարատանի ոսկի: Բոլոր համարները երկհարկանի լյուքս են:

«Բուրջ Խալիֆա» երկնաքեր: «Ժամանակակից Բաբելոնյան աշտարակ», ահա թե ինչ անվանում է ստացել «Բուրջ Խալիֆա» երկնաքերը, որի երկարությունը կազմում է 828 մետր, իսկ բաղկացած է այն 163 հարկից: Հենց այստեղ են աշխարհի ամենաբարձր ռեստորանը (122 հարկ), ամենաբարձր ակումբը (144 հարկ) և ամենաբարձր մզկիթը (158 հարկ):

«Բուրջ Խալիֆա» դիտահարթակ: Այն գտնվում է «Բուրջ Խալիֆա»-ի 124-րդ հարկի վրա և կրում է At the Top անվանումը: Այստեղ հայտնվելու համար անհրաժեշտ է նախապես գնել տոմս, որովհետև լինում է, որ օրեր շարունակ այստեղ տոմս չի լինում: Տոմսի արժեքը մոտ 30 դոլար է:

Դուբայ Մոլ: Մերձավոր Արևելքի ամենամեծ մոլը Դուբայ մոլն է, որի ընդհանուր տարածքը կազմում է 1.2 միլիոն ք/մ (50 ֆուտբոլի դաշտ): Սա իսկական դրախտ է շոպոհոլիկների համար, ավելի քան 1200 խանութ, մոտ 70 բրենդային խանութ (Versace, Burberry, Roberto Cavalli, Galliano, Hermès և այլն): Այստեղ կարելի է հանգստանալ, սնվել և զվարճանալ:

Դուբայ Մոլի ակվարիում: Սա աշխարհի ամենամեծ ակվարիումն է, որի ծավալը 10 միլիոն լիտր է, որտեղ լողում են 33 հազար ծովային կենդանիներ:

Դուբայի երգող շատրվաններ: Այն գտնվում է «Բուրջ Խալիֆա» երկնաքերի կողքը: Շիթերի բարձրությունը 150 մետր է, այսինքն մոտ 50 հարկ: Հատկապես գեղեցիկ է այն գիշերը, երբ շատրվանը լուսավորում են 50 գունավոր լուսարձակ և 6000 լապտեր:

24 Մարտի 2024, Կիրակի | 1330