Պորտոֆինոն Միջերկրական ծովի ափին գտնվող սովորական քաղաք չէ, այն Իտալիայի, ինչո՞ւ չէ նաև մոլորակի ամենագեղեցիկ վայրերից մեկն է:

1. Պորտոֆինոն նման է հեքիաթի նկարազարդած էջերի. նավակներով հարմարավետ ծովախորշ, գունավոր տնակներ, ձիթապտղի ծառեր:
2. Պորտոֆինոն վաղուց դառել է ոչ միայն լուսանկարիչների, այլ նաև կինեմատոգրաֆների սիրած վայրը. այստեղ նկարահանվել են բազմաթիվ ֆիլմեր:
3. Պորտոֆինոյի նախկին անվանումը եղել է «Դելֆինների ծովախորշ» այստեղ լողացող դելֆինների մեծ քանակի պատճառով:
4. Բնակչության քանակով Պորտոֆինոն ավելի շատ նման է գյուղի, սակայն այն համարվում է ծովափնյա տուրիստական քաղաք :
5. Քաղաքը գտնվում է Ազգային պարկի տարածքում, այստեղ կարելի է հիանալ ամենայուրօրինակ բույսերով:
6. Տեղական բոլոր ափերը նշված են «Կապույտ դրոշ»-ով իրենց մաքրության համար:
7. Պորտոֆինոն առանձնանում է մեղմ կլիմայով, էկոլոգիապես գերազանց մաքրությամբ և ջերմ մթնոլորտով, ինչի շնորհիվ նորից և նորից ուզում ես վերադառնալ այստեղ:
8. Քաղաքը ճանաչելու լավագույն վայրը կենտրոնական հրապարակն է՝ Պիացետան: Այն փակ է բոլոր տեսակի մեքենաների համար, բայց այստեղից կարող ես տեսնել ամբողջ քաղաքը:
9. Ժամանակին իրենց հանգիստն այստեղ են անցկացրել Զիգմունդ Ֆրոյդը, Էռնեստ Հեմինգուեյը, Գի դը Մոպասանը: 
10. Ամեն տարի իր ծննդյան օրը այստեղ է անցկացնում հայտնի երգչուհի Մադոննան: Պորտոֆինոյի գեղեցկությունը գնահատում են նաև Շերոն Ստոունը, Սիլվեստեր Ստալոնեն, Դեմի Մուրը, Ջորջ Քլունին և այլոք:
 

02 Սեպտեմբերի 2024, Երկուշաբթի | 3658