Շոտլանդական Աբերդին քաղաքը հայտնի է որպես «Եվրոպայի նավթային մայրաքաղաք» կամ «գրանիտի քաղաք»:
 
Շոտլանդիայում վիսկիի արտադրության ամենափոքրիկ գործարանը Edradour in Pitlochry-ն է, որը տարեկան 100 հազար զբոսաշրջիկների է ընդունում, ընդ որում, արտադրում է միայն 90 հազար լիտր ածիկի վիսկի:
 
Անձրևանոցն 1824 թվականին ստեղծել է ծագումով Գլազգոյից քիմիկոս, նկարիչ և դիզայներ Չարլզ Մակինթոշը (Charles Macintosh): Մեծ Բրիտանիայում հագուստի այդ պարագան մինչև այժմ էլ կոչվում է «Mac»:
 
1707 թվականից հետո առաջին անգամ 1999 թվականի հուլիսի 1-ին Շոտլանդիայում կրկին ձևավորվեց սեփական խորհրդարանը:
 
Շոտլանդիան նախկինի պես ունի իր սեփական`   Անգլիայից, Ուելսից, Հյուսիսային Իռլանդիայից անջատված իրավական համակարգը:
 
1695 թվականին հիմնադրված Շոտլանդիայի բանկն ամենահին բանկն է համարվում Մեծ Բրիտանիայում: Այն նաև եղել է Եվրոպայի առաջին բանկը, որն սկսել է տպագրել սեփական թղթադրամները:

17 Սեպտեմբերի 2024, Երեքշաբթի | 929