Մալդիվները` Հնդկական օվկիանոսի հասարակածային հայտնի բնակիչը, իրավամբ համարվում է էկզոտիկ լավագույն ուղղություններից մեկը: Մալդիվներում կա 1190 կղզի, իսկ ավելի ճիշտ, ատոլ (օղակակղզի), որոնք կարծես արշիպելագը բաժանում են 3 մասի՝ հյուսիսային, կենտրոնական և հարավային: Հյուրանոցների մեծ մասը (իսկ այստեղ յուրաքանչյուր հյուրանոց առանձին կղզի է), գտնվում է կենտրոնական հատվածում՝ Մալեի միջազգային օդանավակայանից ոչ հեռու: Վայրէջքից անմիջապես հետո Ձեզ կդիմավորեն և կտեղափոխեն Ձեր կղզի-հյուրանոց հատուկ հիդրո-ինքնաթիռներով: Մալդիվները իդեալական վայր է ոչ միայն նրանց համար, ովքեր նախընտրում են ակտիվ հանգիստ (դայվինգ, սնորքելինգ), այլ նաև ռոմանտիկայի սիրահարների համար, ովքեր ուզում են առանձնանալ իրենց աշխարհում և վայելել կուսական բնությունը: Հանգստի համար այստեղ կա ամեն ինչ՝ կապույտ լագունաներ, ավազե երկար ափեր, յուրօրինակ բուսական և կենդանական աշխարհ, լռություն:

20 Հոկտեմբերի 2024, Կիրակի | 720