Ամբողջ աշխարհից զբոսաշրջիկներ են գալիս Եգիպտոս՝ նոր տպավորությունների և անմոռանալի հանգստի համար: Սակայն Եգիպտոսը արաբական երկիր է՝ մուսուլմանական սովորույթներով, որոնք անհրաժեշտ է հարգել: Դրա համար պատրաստվելով գնալ այդ երկիր՝ անհրաժեշտ է իմանալ, թե ինչ չի կարելի անել զբոսաշրջիկներին Եգիպտոսում, որպեսզի հանգիստն իրոք դառնա հեքիաթային և բացասական տպավորություններ չթողնի, հայտնում է travelermap.ru-ն:
1. Արտասահմանցիներին թույլատրվում է Եգիպտոս տանել անսահմանափակ քանակությամբ արտարժույթ, սակայն այնտեղից կարելի է դուրս բերել մինչև մեկ մարդու համար 5000 դոլար: Եգիպտական ազգային արժույթ հանելն արգելվում է:
2. Հասարակական վայրերում հարբած վիճակում հայտնվելը սպառնում է ձերբակալությամբ, իսկ թմրանյութեր տարածելու համար՝ մահապատիժ:
3. Արգելվում է երկրից դուրս բերել հնագույն առարկաներ, ֆլորայի և ծովային ֆաունայի ներկայացուցիչներ, կորալներ: Այդ օրենքը խախտելու համար նախատեսվում է տուգանք՝ սկսած հազարավոր դոլարներից:
4. Չի կարելի է որսալ գունավոր և հազվագյուտ ձկներ, կոտրել կորալները, որսալ հազվագյուտ թռչուններ և կենդանիներ, ջուրը նետել առարկաներ, որոնք պարունակում են պայթուցիկ և թունավոր նյութեր:
5. Արևի մայր մտնելուց հետո մինչև արևածագ չի թույլատրվում զբաղվել ստորջրյա լողով:
6. Չի կարելի խմել ծորակից ջուր, դրանով լվանալ մրգերը և բանջարեղենները, մաքրել ատամները: Այդ նպատակով օգտագործում են միայն շշալցված ջուր:
7. Խորհուրդ չի տրվում լողալ Նեղոսում կամ նույնիսկ պարզապես ձեռքերը թրջել, քանի որ այն ահռելի քանակությամբ բակտերիաներ է պարունակում:
8. Նուդիզմի սիրահարները պետք է իմանան, որ կիսամերկ կամ մերկ լողալը Եգիպտոսում արգելվում է: Հաշվի առնելով, որ այն մուսուլմանական երկիր է, կանայք պետք է հագնվեն և իրենց հնարավորինս համեստ պահեն:

12 Նոյեմբերի 2023, Կիրակի | 492