Հանգստի մեկնելիս չի կարելի մոռանալ դեղամիջոցներ վերցնելու մասին։ Ահա թե ինչպիսի դեղեր է պետք վերցնել հանգստի ուղեւորվելիս։
Նախ հարկ է նշել, որ անհրաժեշտ է վերցնել դեղամիջոցներ՝ ըստ մեկնողների տարիքի։ Եթե ձեզ հետ երեխա կա, դեղամիջոցների ցանկը պետք է հարմարեցնել նաեւ նրա տարիքին, եթե տարեց մեկը, նրան համապատասխան տեղամիջոցներ է անհրաժեշտ ավելացնել դեղատուփին։
Բացի արձակուրդ մեկնելու համար պարտադիր դեղերից՝ չմոռանաք վերցնել այն դեղամիջոցները, որոնք դուք ընդունում եք բժշկի նշանակմամբ՝ կախված ձեր ունեցած հիվանդություններից։
Եւ հաշվի առեք այն երկրի առանձնահատկությունները, ուր պատրասվում եք մեկնել։
Պարտադիր դեղամիջոցներ՝
Հետեւյալ դեղամիջոցներն անհրաժեշտ է վերցնել՝ անկախ նրանից, թե որ երկիր եք գնում, կամ ինչ տարիքի անձինք են ձեզ ուղեկցումէ ցավազրկողներ, ջերմիջեցողներ, աղեստամոքսային տրակտի խանգարման դեմ միջոցներ, հակաալերգիկ միջոցներ, հարբուխի դեմ միջոցներ, առաջին օգնության պարագաներ՝ քերծվածքների, վնասվածքների համար, հականեխիչ միջոցներ։
Ավելի կոնկրետ դեպքերում՝ եթե այնպիսի երկիր եք գնում, որտեղ շատ եք քայլելու, ոտքերի վերքերի դեմ միջոցներ տարեք, հակասեպտիկ միջոցներ, ոտքերը հանգստացնող կրեմներ։
Եթե էկզոտիկ երկիր եք մեկնում, սննդային թունավորումների, ստամոքսի եւ աղիների խանգարման դեմ միջոցներ տարեք, մոծակների, միջատների խայթոցների դեմ միջոցներ, հակասեպտիկ միջոցներ, ձեռքերը հաճախ մաքրելու հակաբակտերիալ գելեր, հակաալերգիկ միջոցներ՝ անգամ եթե ալերգիա չունեք։ Երբեք չեք իմանա՝ օրգանիզմն ինչպես կարձագանքի անծանոթ սնունդին։
Եթե ծովափնյա հանգստի եք մեկնում, առաջին հերթին մի մոռացեք արեւապաշտպան քսուքի մասին, ինչպես նաեւ այրվածքների դեմ միջոցների։ Վերցրեք նաեւ սրտխառնոցի, ծովային հիվանդության դեմ միջոցներ։
Ինչ դեղամիջոց չի կարելի վերցնել։
Չի կարելի վերցնել ուժեղ ազդող միջոցներ, հատկապես նրանք, որոնց կարող են թմրամիջոցներ պարունակել։ Պետք է խուսափել նաեւ հակաբիոտիկներից, քանի որ այն բժիշկը պետք է նշանակի, հետեւաբար՝ ինքնուրույն ընդունել չարժի։
Հանգստի ժամանակ խուսափեք ինքնաբուժությունից։ Եթե ինչ-որ խնդիր է առաջացել, ավելի լավ է դիմել տեղի հիվանդանոց։

24 Նոյեմբերի 2023, ՈՒրբաթ | 580