Աջմանի Էմիրությունը ամենափոքրն է Միացյալ Արաբական Էմիրությունների կազմում: Էմիրության տարածքը զբաղեցնում է ընդամենը 259 կմ² (պետության տարածքի 0,3%-ը): ՄԱԷ-ի կազմի մեջ մտել է 1971 թ. դեկտեմբերի 2-ին:
Վարչական կենտրոնը համարվում է Աջմանը: Բնակչությունը 2003 թ. տվյալներով կազմում է 253 000 մարդ: Էմիրության բնակչության մեծամասնությունը բնակվում է Աջմանում:
Քաղաքը գտնվում է Պարսից ծոցի ափին, Շարժայից մի քանի կիլոմետր հեռավորության վրա:

Դեռ հին ժամանակներից հայտնի է որպես ձկնորսական կենտրոն, ինչպես նաև մարգարիտի հանքավայր: Միայն վերջերս քաղաքը սկսեց արագորեն զարգանալ շնորհիվ հարևանությամբ գտնվող մեգապոլիսների` Դուբայ և Շարժա:
Աջմանը միակ էմիրությունն է, որում չի հայտնաբերվել նավթ: Աջմանն ավելի հայտնի է իր նավաշինական գործունեությամբ, որտեղ մինչև օրս հնագույն մեթոդներով կառուցում են հին արաբական առագաստանավեր և ժամանակակից ապակեպլաստ նավեր:
Քաղաքում կա նավահանգիստ:

02 Դեկտեմբերի 2023, Շաբաթ | 710