Կուբան հիշատակելիս մեզնից շատերը հիշում են ռոմը, սիգարներն ու, իհարկե, ռետրո ավտոմեքենաները: Ցավոք, Կուբայի և կուբացիների մասին ամենահայտնի փաստերը հնացել ու կարծրատիպ են դարձել:

Հայտնի է, որ Կուբան բարդ պատմություն ունեցող կղզի է, սակայն հենց այտեղ են ապրում մարդիկ, որոնք ունակ են ուրախանալ ամեն օր՝ գնահատելով մանրուքները, և որոնք կարևորում են ամեն ինչ:

Ինչու է մարդկանց մեծամասնությունը սիրահարվում Կուբային և ինչու են մեզնից շատերը երազում իրենց աչքով տեսնել այս հրաշալի երկիրը:
Կուբացիները վնասակար ու համեղ ուտեստներ են սիրում:

Կուբայի բնակիչները շատ են սիրում իրենց երկրի ավանդական ուտեստները, որը հաճախ վնասակար է, յուղոտ միս, մեծ քանակությամբ ձեթի մեջ պատրաստված կարտոֆիլ, և այլն, ինչն էլ գրավում է այն զբոսաշրջիկներին, որոնք չեն մտածում առողջ ապրելակերպի ու կալորիաների մասին և ցանկանում են պարզապես վայելել ուտեստները:
Բալետը երկրի հպարտությունն է:

Մեր օրերում ամենատարածված մարզաձևը Կուբայում բեյսբոլն է, սակայն երկրի գլխավոր հպարտությունը բալետն է: Կուբացիների կարծիքով՝ «ռուսական բալետը զարմացնում է իր վարպետությամբ, ֆրանսիականը զգացմունքային և հոգեպես հարուստ է, իսկ կուբականն իր մեջ համադրում է երկուսն էլ»:
Կուբայում գրեթե համացանց չկա:

2018 թվականի հունվարից երկրի գրեթե 500 հասարակական վայրերում արագ և հասանելի Wi-Fi է ապահովվել, սակայն տան և շարժական ինտերնետը մինչ օրս անհասանելի է բնակչության մեծամասնության համար: Ահա թե ինչու կուբացիների օրը սկսվում է ոչ թե սմարթֆոնում լուրեր կարդալուց, այլ մի բաժակ թարմ հյութից, ինչը նույնպես գրավում է զբոսաշրջիկներին:
Բժիշկների աշխատավարձը 40 անգամ բարձր է միջին աշխատավարձից:

Կուբայում բժիշկների աշխատավարձը մոտ 40 անգամ բարձր է մյուս մասնագիտություններով աշխատող անձանց վարձատրությունից ու կարող է հասնել մինչև 1.000 դոլար, իսկ պայմանագրի ավարտից հետո բժիշկը կարող է բնակարան ստանալ պետությունից:
Փողոցային շներն անձը հաստատող փաստաթուղթ ունեն:

Կուբացիները շատ են սիրում շներին, և համարյա բոլորը շուն են պահում: Փողոցային շները նույնպես անուշադրության չեն մատնվում. մի շարք արշավների շնորհիվ յուրաքանչյուր պետհաստատություն սկսել է հոգ տանել նրանց համար: Այս շներին անձը հաստատող փաստաթղթեր են տրվում, որոնցում նրանց մասին տեղեկություններ են նշվում, անուն, բժշկական տեղեկություններ և բնավորության առանձնահատկությունները:
Կուբայում մարդիկ ձգտում են առողջ ծերություն ունենալ:

Կուբայում տղամարդիկ թոշակի են անցնում 65 տարեկանից, իսկ կանայք՝ 60 տարեկանից, և բոլորին միավորում է չծերանալու ցանկությունը: Այստեղ մարդիկ ձգտում են առողջ ծերություն ունենալ, և ոմանք նույնիսկ դառնում են «120-ամյաների ակումբի» անդամ: Այս ակումբում ապագա երկարակյացները խստորեն հետևում են առողջ ապրելակերպի կանոններին՝ փորձելով հնարավորինս ճիշտ ապրել և սնվել:
Կուբացին կարող է «գեղեցկուհի» անվանել անծանոթ կնոջը:

Կուբացիներն ինքնագնահատականի խնդիր չունեն, ահա թե ինչու նրանք առանց անհանգստանալու հաճոյախոսություններ են անում իրար, նույնիսկ՝ անծանոթներին, և ձգտում ոչ թե արտաքին, այլ ներքին հարստության:

07 Դեկտեմբերի 2023, Հինգշաբթի | 857