Եթե սիրում եք տապը, ապա ամառը ձեզ համար օպտիմալ սեզոն կդառնա Եգիպտոսում հանգստանալու համար։ Իսկ եթե պատրաստվում եք տուրի փոքր երեխաների հետ կամ ունեք առողջական որոշակի խնդիրներ, ապա Եգիպտոսում ամռան հանգստից պետք է հրաժարվեք։ Չնայած, որ օդի ջերմաստիճանը ամռանը պահպանվում է +33°C-36°C, այն առավել տանելի է, եթե պլանավորել եք հանգիստը ծովափին։ Այստեղ միշտ թարմացնող քամի է փչում և տապը չի զգացվում։

Եղանակը ամռանը Եգիպտոսում տարբերվում է կախված ընտրած հանգստավայրից։ Օրինակ, Շարմ էլ Շեյխում շատ շոգ կլինի և ոչ քամոտ, իսկ Հուրգադայում թեթև զեփյուռի շնորհիվ շոգը ավելի տանելի է։

Սիրո՞ւմ եք երկար ժամանակ գտնվել կիզիչ արևի տակ, ապա հանգիստը Եգիպտոսում հունիսին հենց այն է, ինչ ձեզ պետք է։ Օդի ջերմաստիճանը ցերեկը բարձրանում է մինչև +40°C, իսկ գիշերային ժամերին այդ ցուցանիշը նվազում է մինչև +26°C: Որպեսզի հունիս ամսին տապը չփչացնի ձեր տպավորությունները , պետք է ընտրել այնպիսի հանգստավայրեր, որոնք գտնվում են Կարմիր ծովի արևմտյան ափին։ Դրանց թվում են Հուրգադան, Էլ Գունան, Սաֆագան և այլն։ Այստեղ օդի ջերմաստիճանը բարձրանում է մինչև +32°C, իսկ ծովային թեթև զեփյուռը անում է ամեն հնարավորը, որպեսզի շոգը լինի հեշտ տանելի:

Հուլիսին Եգիպտոս  պլանավորելուց առաջ հարկավոր է մի քանի անգամ լավ մտածել։ Չէ որ +40°C շոգին ոչ բոլորը կարող եմ դիմանալ։ Առանձին քաղաքներում օդի ջերմաստիճանը կարող է հասնել մինչև +46°C։
Եթե դեռ ձեզ մոտ ցանկություն մնաց կազմակերպել հանգիստ Եգիպտոսում հուլիսին, ապա ընտրեք երկրի ավելի զով հանգստավայրերը, ինչպիսիք են Շարմ էլ Շեյխը, Նուվեյբան կամ Դահաբը։ Այստեղ օդի ցերեկային ջերմաստիճանը +35°C-ից ավել չի բարձրանում։

Որպեսզի ամռանը հանգիստը չմռայլվի եղանակային պայմանների պատճառով, մի մոռացեք ձեզ հետ վերցնել բնական գործվածքից թեթև հագուստ, գլխարկ կամ գլխաշոր և արևապաշտպան միջոցներ։

Օգոստոսին հանգիստը Եգիպտոսում շատ շոգ կլինի։ Տպավորություն է ստեղծվում, որ շոգը դեռ նոր է սկսվում։ Օդի ջերմաստիճանը հասնում է մինչև +33°C, իսկ որոշ տեղերում՝ մինչև +40°C։ Այս ամսում այստեղ անձրև գրեթե չի լինում, և օգոստոսին տուրերը Եգիպտոսում կանցնեն անամպ։

Արևահարվելու հավանականությունը բավական մեծ է։ Որպեսզի հանգստից վատ տպավորություններ չմնան, չարժե գտնվել լողափին կամ բաց տարածությունում արևի ակտիվ ժամերին։

18 Դեկտեմբերի 2023, Երկուշաբթի | 1220