Թաիլանդ գնալուց առաջ, որպեսզի անհարմար իրավիճակներում չհայտնվեք, չկարծեք, թե դուք խենթացել եք կամ ժամանակի մեքենան ձեզ մեկ այլ ժամանակային հարթություն է տեղափոխել, անպայման պիտի այս երկրի ու ժողովրդի մասին ինֆորմացիայով զինված մեկնեք։

Առաջին հերթին, հիմա Թաիլանդում 2019 թվականը չէ։ Եթե թաիլանդական խանութներից որոշեք, օրինակ, ինչ-որ սննդատեսակ գնել եւ արտադրության ամսաթիվը տեսնեք 2562 թվական, չմտածեք, թե այն ապագայից է բերված (ինչպես երբեմն մեր երկրում է լինում, երբ, օրինակ, հավկիթի արտադրության ժամկետը կարող է գնման ամսաթվից մի երկու օր հետո լինել)։ Այստեղ առաջնորդվում են բուդդայական օրացույցով, այսինքն՝ ժամանակագրությունը սկսվում է այն օրվանից, երբ Բուդդան անցավ Նիրվանայի, այն 543 տարով առաջ է մեր թվարկության սկզբից, այսինքն՝ ներկա տարեթվին՝ 2019-ին, ավելացնում ենք 543, եւ ստացվում է, որ Թաիլանդում հիմա 2562 թվականն է։

09 Հունվարի 2024, Երեքշաբթի | 659