Բուլղարիայի բնակչությունը կազմում է 6 999 908 մարդ: Ընդհանուր հաշվով՝ պետության մակերեսը կազմում է 110 993 կմ²։ Սահմանակից է Ռումինիային ՝ հյուսիսում, Սերբիային  և Մակեդոնիային ՝ արևմուտքում, Հունաստանին և Թուրքիային ՝ հարավում, և Սև ծովին ՝ արևելքում: Բուլղարիայի մայրաքաղաքն է Սոֆիա  քաղաքը: Պետական լեզուն է բուլղարերենը : Երկրի բնակչության հիմնական մասը կազմում են բուլղարները: Ազգային փոքրամասնություններ են թուրքերը և գնչուները :
Ըստ Բուլղարիայի սահմանադրության՝ Բուլղարիայի պետական կրոնն է օրթոդոքս քրիստոնեությունն է։ Բնակչության գերկշռող մասը (մոտ 78 %) դավանում են ուղղափառություն :
Բուլղարիայի տարածքի հնագույն բնակիչները թրակացիներն են։ Մ․ թ․ 1-ին դարում այն նվաճել են հռոմեացիները։ 3-րդ դարում սկսվել է հյուսիսային բարբարոսական ցեղերի ներխուժումը Բալկաններ ։ Բուլղարները հարավային սլավոններ են: Հնուց ի վեր նրանք բնակվում են Բալկանյան թերակղզու  հյուսիս-արևելքում: Իրենց ամբողջ պատմության ընթացքում նրանք պայքարել են անկախության համար՝ նախ` Բյուզանդիայի , ապա՝ Օսմանյան կայսրության  դեմ: Բուլղարիան մոտ 500 տարի գտնվել է օսմանյակ լծի  տակ, որից ազատվել է 1878 թվականի մարտի 3 -ին և այդ օրը համարվում է Բուլղարիայի անկախության օր:
Եվրոպայի հնագույն միշտ բնակվեցված քաղաք է համարվում բուլղարական 6-հազարամյա Պլովդիվը: Բուլղարիայի ժամանակակից տարածքի ամենահին բնակիչներն են եղել, որոնց մասին կան ստույգ տեղեկություններ, թրակիացիները, հնդեվրոպական ցեղեր, որոնք այդտեղ են ապրել մ. թ. ա. 1 հազարամյակից: Մ. թ. 1-ին դարում թրակիական հողերը մտել են Հռոմեական կայսրության կազմում և բաժանվել են Թրակիա և Մյոզիա գավառների միջև:
Բուլղարների առաջին պետությունը, որի մասին պահպանվել են ճիշտ պատմական տեղեկություններ, եղել է Մեծ Բուլղարիան, պետություն, որը մի քանի տասնամյակների ընթացքում սև ծովյան և ազովյան տափաստաններում միավորվել է բուլղարների և այլ ցեղերի: Պետության մայրաքաղաքը եղել է Ֆանագորիան, իսկ նրա հիմնադիրը և կառավարիչը՝ խան Կուբրաթը:

14 Հունվարի 2024, Կիրակի | 1090