Մետեորան Հունաստանի խոշորագույն վանական համալիրներից մեկն է :  Վանական համալիրը հիմնադրվել է մոտ 10-րդ դարում : 1988 թվականին վանքերը ներառվել են համաշխարհային ժառանգության ցանկի մեջ։ 

Տարբեր աղբյուրների համաձայն՝ գոյություն են ունեցել 22 կամ 24 մենաստաններ, որոնցից այժմ գործում են միայն վեցը. 4-ը՝ տղամարդկանց և 2-ը՝ կանանց, մյուսները լքված են՝ մասնակի կամ հիմնովին ավերված։

Ըստ ավանդության, առաջին ճգնավորները բարձրացել են այդ քարքարոտ և անհասանելի, կյանքից կտրված այդ ժայռերի վրա մինչ 10-րդ դարը։ Նրանք ապրել են քարանձավներում և ժայռային խորացումներում։ 

Վեց գործող ուղղափառ վանքերը տեղակայված են հսկայական ժայռերի գագաթներին :  Ջրի, քամու և ջերմաստիճանների տատանումների արդյունքում դրանք վերածվել են հսկայական, կարծես թե օդում կախված քարե սյուների, որոնք ստացել են Մետեորա անվանումը :

Մետեորան մինչ այսօր ամենագեղեցիկ և տեսարժան վայրն է Հունաստանում : 

08 Փետրվարի 2024, Հինգշաբթի | 598