Աբու Դաբիում է գտնվում աշխարհի ամենաթանկ հյուրանոցներից մեկը՝ Emirates Palace-ը: 2000-ականների կեսերին դրա կառուցումն արժեցել է 3 միլիարդ դոլար՝ դարձնելով այն աշխարհի երրորդ ամենաթանկ հյուրանոցը (ավելի թանկ է միայն Լաս Վեգասի Cosmopolitan-ը Լաս Վեգասում և Marina Bay Sands-ը Սինգապուրում):
Emirates Palace-ը հսկայական է և միաժամանակ շքեղ։ Այստեղ սովորաբար բնակվում են հայտնի մարդիկ, ինչպես նաև պետությունների ղեկավարները և Մերձավոր Արևելքի միապետները Աբու Դաբի այցելությունների ժամանակ:
Հյուրանոցն ունի կիլոմետրերով միջանցքներ, մոտ հարյուր վերելակներ, տասնյակ կոնֆերանսների սենյակներ և հանդիպումների սենյակներ, ավելի քան 600 պլազմային էկրաններ, տասնյակ շատրվաններ (և արտաքին, և ներքին), ավելի քան 1000 ջահեր, երկու ուղղաթիռների հարթակներ, 1,3 կմ երկարությամբ լողափ, մանկական տարածք՝ լողավազաններով և ջրային ատրակցիոններով, ինչպես նաև մի քանի ռեստորաններ, որոնք մասնագիտացած են հնդկական, չինական, արաբական և այլ խոհանոցներում:

29 Փետրվարի 2024, Հինգշաբթի | 1693