Դունկան, (անգլ. ՝ Duncan River), գետ, որը գտնվում է կանադական նահանգի հարավ-արևելքում՝ Բրիտանական Կոլումբիայում ։ Կուտենեյի ամենամեծ վտակներից է, որը իր հերթին նաև հանդիսանում է Կոլումբիայի  վտակը։ Գետի երկարությունը կազմում է 206 կմ, իսկ ավազանի տարածքը՝ 2443 կմ²։
Դունկան գետը սկիզբ է առնում Դոուսոն լեռան մոտակայքից, և հարավային ուղղությամբ հոսում է Սելկերկ և Պյորսելլ լեռնաշղթաների միջով։ Գետը հոսում է Դունկան լճով, միակ լիճը, որի մակարդակը բարձրացած է եղել Դունկանի ամբարտակի շինության հաշվին։ Ամբարտակից ներքև գետը ընդունում է իր գլխավոր վտակը՝ Լարդո գետը։ Թափվում է Կուտենեյ լճի հյուսիսային մասում։ Դունկան Գետը անվանվել է Ջոն Դունկանի պատվին, որը 1866 թվականին Կուտենեյ Լենդի շրջանի գաղութային օրենսդրական խորհրդի թեկնածուներից էր։ Որոշ նախկին քարտեզների վրա Դուկնան լիճը գրված էր որպես «Վերին Կուտենեյ» կամ «Խաուզեր», սակայն 1912 թվականից սկսած «Դունկան» անվանումը սկսեց գերիշխել ։
Մինչև լճի ամբարտակի շինությունը Դունկանի վրա զարգացած էր նավագնացությունը, որը հիմնականում օգտագործվում էր հովտի՝ հանքարդյունաբերության և անտառարդյունաբերության կարիքների համար։ Դունկանի ամբարտակը կառուցվել է 1967 թվականին Կոլումբիա գետի պայմանագրի շրջանակներում։ Մինչև ամբարտակի շինությունը, լիճը ուներ 25 կմ տարածականություն։ Հիմա ջրամբարի երկարությունը 45 կմ է։ Էլետրոէներգիայի արտադրում Դունկանի ամբարտակում չի կատարվում, քանի որ այն կառուցվել է, որպեսզի կարգավորի ջրի մակարդակը և պաշտպանի հեղեղումներից ։

09 Ապրիլի 2024, Երեքշաբթի | 823