Առաջին բանը, որ մարդիկ նկատում են Միկոնոս այցելելիս գունավոր դռներն ու պատուհաններն են, որոնք սովորաբար ներկված են կապույտ, կարմիր կամ կանաչ: Այս վառ գույների օգտագործման ավանդույթը սկիզբ է առել այն ժամանակներից, երբ նավաստիներն իրենց դռներն ու փեղկերը ներկել են կապույտ, գյուղացիները՝ կանաչ, իսկ մյուսները՝ կարմիր: Այսօր կղզի այցելողները սիրում են թափառել Միկոնոսի հմայիչ ծառուղիներով՝ հիանալու սպիտակ գույնի շինություններով, որոնք զարդարված են վառ գույներով ներկված դռներով, պատուհաններով, աստիճաններով և պատշգամբներով։ 

Միկոնոսի խորհրդանիշներից են հնագույն հողմաղացները։  Հետաքրքիր զուգադիպություն կա հողմաղացների քանակի և կառուցման դարաշրջանի մեջ։ Հողմաղացների թիվը 16-ն է և բոլորը կառուցվել են վենետիկցիների կողմից 16-րդ դարում։

Լեգենդի համաձայն կղզին իր անունը ստացել է ի պատիվ հնագույն հերոս Միկոնոսի, ով համարվում էր առասպելական Ապոլլոն աստծո հետնորդը:

Միկոնոսը Հունաստանի ամենաակտիվ անկյունն է համարվում: Այստեղ երեկույթները չեն դադարում ողջ օրը մինչ լուսաբաց։ Կղզու ամենահայտնի պարային վայրերը լողափնյա բարերն են:

Թեև Սանտորինին է հայտնի որպես ամենագեղեցիկ մայրամուտների կղզի, սակայն նրանք, ովքեր երբևէ այցելել են Միկոնոս, կհաստատեն, որ կղզու ցանկացած կետից հիասքանչ է մայր մտնող արևը:

Դարեր առաջ Էգեյան ծովը դրախտ էր ծովահենների համար, իսկ Միկոնոսը նրանց սիրելի թիրախներից էր: Կղզու բնակիչները որոշեցին կառուցել փողոցների լաբիրինթոս և անթիվ ծառուղիներ, որոնք միտումնավոր նախագծված էին ծովահեններին շփոթեցնելու համար՝ միևնույն ժամանակ թույլ տալով Միկոնոսի բնակիչներին պաշտպվանել արշավանքներից։ 
Միկոնոսի ճերմակ փողոցներով և գեղեցիկ արահետներով զբոսնելը պարտադիր է յուրաքանչյուր այցելու համար:

30 Օգոստոսի 2024, ՈՒրբաթ | 1080