Զբոսաշրջությունը Ֆինլանդիայում (ֆիններեն ՝ Matkailu Suomessa), Ֆինլանդիայի Հանրապետության  տնտեսության գլխավոր ճյուղերից մեկը ։
Ֆինլանդիայի Ռուկա լեռնադահուկային առողջավայրը
Ֆինլանդիա պետությունը գտնվում է Հյուսիսային Եվրոպայում ՝ Սկանդինավյան թերակղզու արևելքում սահմաններում, իսկ տարածքում գերակշռում են մետամորֆային ապարների  կոմպլեքսները և մինչքեմբրի գրանիտոիդները՝ ծածկված անթրոպոգենի սառցադաշտային նստվածքներով ։
Ֆինլանդիայի զբոսաշրջության պատմության բարձրակետը համարվում է 1996 թվականը , երբ այս երկիրը դարձավ Շենգենյան համաձայնության անդամ (նախորդ տարի Ֆինլանդիան միացել էր Եվրոպական Միությանը )։ 2011 թվականին Ֆինլանդիա են այցելել 7, 3 միլիոն զբոսաշրջիկներ, ինչը 17 %-ով գերազանցում էր 2010 թվականի ցուցանիշը։ 2013 թվականի  տվյալներով զբոսաշրջիկների համար Ռուսաստանում  Ֆինլանդիա այցելելու համար թողարկվել է ավելի քան 1, 5 միլիոն վիզա։ 2014 թվականից սկսած Ֆինլանդիան սկսեց հետաքրքրել ասիական երկրների զբոսաշրջիկներին, մասնավորապես գրանցվեց մեծ ներհոսք Ճապոնիայից , Չինաստանի Ժողովրդական Հանրապետությունից և Հարավային Կորեայից ։
Որպես զբոսաշրջային երկիր՝ Ֆինլանդիան ունի իր բնորոշումները՝ բալթյան ծովափեր, հյուսիսային սառը և մաքուր օդ, բևեռային ավանդույթներ և հիասքանչ գիշերային կյանք։ Ըստ 2014 թվական տվյալների` Ֆինլանդիա այցելող զբոսաշրջիկների ամենամեծ զանգվածը (ավելի քան 615 հազար մարդ) բաժին է ընկնում Ռուսաստանի Դաշնությանը ։ Այս ցուցանիշով երկրորդ տեղում է Ֆինլանդիայի սկանդինավյան հարևան Շվեդիան  (մոտ 300 հազար) և երրորդ տեղում Գերմանիան  (248 հազար)։ Մեծ թվով զբոսաշրջիկներ են Ֆինլանդիա մեկնում նաև Մեծ Բրիտանիայից , Ամերիկայի Միացյալ Նահանգներից , Էստոնիայից , Ֆրանսիայից , Նորվեգիայից , Նիդերլանդներից , Լատվիայիցև այլ պետություններից։

08 Նոյեմբերի 2024, ՈՒրբաթ | 781