Եգիպտացիներն իրենց պիցցան ունեն, որ կոչվում է ֆիթեր: Դա ջեռոցում եփած թույլ խմոր է: Այսպիսի պիցցաները պատրաստվում են հաճախորդի աչքի առաջ, ով ասում է խոհարարին, թե ինչ բաղադրիչներ օգտագործի: Կարող եք ընտրել ձու, պանիրներ, լոլիկ, մսեղեն և տարբեր բանջարեղեններ: Լցոնը կարող է դրվել խմորի ներսում կամ վրան: Այն կարող է լինել կծու կամ քաղցր:
Ապուրներ, որ պատրաստվել են դարեր շարունակ
Ապուրները Եգիպտոսում շատ տարածված են: Մոլոհեյան մատուցվում է լանչին, սա լոբով թանձր ապուր է: Այնպիսի բանջարեղեններ, ինչպիսիք են սմբուկը կամ լոլիկը, տապակվում են տոմատի սոուսով, սխտորով: Պաստա ճաշատեսակները նույնպես տարածված են, սա կարող է լինել լազանյա աղացած մսով և սպիտակ սոուսով: Բուսակերները կընտրեն մուսակա. թավայի մեջ միասին եփած սմբուկի, լոլիկի, սխտորի, ձեթի ու համեմունքների խառնուրդ:
Շատ միս, քիչ ձուկ
Աղցաններ, հաց, միս և լիքը հավելումներ. սա է եգիպտական ճաշի հիմքը: Եգիպտական ճաշին մատուցվող ուտեստներից կարելի է նշել բրնձով և համեմունքներով լցոնած տապակած հավը (ֆիրեխ) կամ աղավնին (համամ): Բայց ամենատարածված և սիրված ճաշատեսակներն են քուֆթան և քեբաբը՝ պատրաստված տապակած կամ խորոված մսից: Քուֆթան հաճախ պատրաստվում է աղացած մսից, իսկ քեբաբը՝ գառան մսից և մատուցվում է մաղադանոսով կամ սոխով տապակած մաղադանոսով, ինչպես նաև հացով, հազարով և թահինով: Ալեքսանդրիայում, որը Եգիպտոսի ամենամեծ նավահանգիստն է, կամ այլ ծովային քաղաքներում մատուցվում են շատ ձկնային կամ ծովամթերքային ճաշատեսակներ:

24 Հունվարի 2025, ՈՒրբաթ | 783