Վրացիների համար կերակուրը մշակույթի կարևորագույն բաղադրիչներից է: Վրաց խոհանոցը պահպանել է ազգային ավանդույթը: Կերակրատեսակների մեծ մասը մսային է: Դրանց մեջ առանձնանում են վրացական խորովածը՝ Մծվադի, խմորի մեջ պարուրված գառան միսը անուշաբույր համեմունքներով՝ Խինկալի, ծխեցված մսից պատրաստված՝ Լորի կերակրատեսակը, ծխեցրած նրբերշիկները՝ Կուպատի, և շատ ուրիշներ: Առանձնահատուկ ուշադրության են արժանանում կանաչեղենից պատրաստված կերակրատեսակները: Վրացիները պաշտում են թարմ կանաչեղենից, մրգերից և բանջարեղենից պատրաստված ուտելիքները: Այդ իսկ պատճառով յուրաքանչյուր վրացական կերակրատեսակ պարտադիր պարունակում է կանաչեղեն: Առանձնապես համեղ է նաև վրացական պանիրը: Դժվար է նկարագրել, թե որքան են վրացիները սիրում պանիր: Կանաչեղենի հետ մեկտեղ, պանիրը օգտագործվում է գրեթե բոլոր կերակրատեսակներում, հատկապես, հանրաճանաչ և սիրված Խաչապուրիում!

23 Հոկտեմբերի 2023, Երկուշաբթի | 936