Զբոսաշրջությունը Մեքսիկայում, Մեքսիկայի տնտեսության գլխավոր ճյուղերից մեկն է։ Մեքսիկան աշխարհի առավել այցելվող երկրներից մեկն է։ Ըստ 2014 թվականի տվյալների, ընդունած զբոսաշրջիկների թվով և բնական ռեսուրսների քանակով Մեքսիկան աշխարհում գրավում է 10-րդ տեղը՝ Ֆրանսիայից , Ամերիկայի Միացյալ Նահանգներից , Իսպանիայից , Չինաստանից,  Իտալիայից , Թուրքիայից , Գերմանիայից , Միացյալ Թագավորությունից  և Ռուսաստանից  հետո։

Մեքսիկան զբոսաշրջիկներին գրավում է հիմնականում մի քանի գործոնների ազդեցությամբ՝ յուրահատուկ մշակույթ և տարբեր երկրների ժողովրդական մշակույթների համադրություն, բարձր ճարտարապետական արժեքներ, իսպանական ներդաշնակություն և բարձր քաղաքակրթություն։
Դրան զուգահեռ երկրում զբոսաշրջության զարգացման համար կարևոր պայման է հանդիսանում արևադարձային տաք կլիման։
Մեքսիկայում զբոսաշրջության շրջանը սկսվում է դեկտեմբեր ամսին և ավարտվում ամռան կեսերին։ Սակայն երկիրը մեծ թվով զբոսաշրջիկներ է ընդունում նաև Զատկի և գարնանային տոների ժամանակ, երբ երկրի ծովափերը լցվում են ամերիկացի ուսանողներով։
Մեծ թվով զբոսաշրջիկներ Մեքսիկա են ժամանում մոտակա հյուսիսամերիկյան երկրներից , հիմնականում՝ Ամերիկայի Միացյալ Նահանգներից և Կանադայից ։ Զբոսաշրջիկներ կան նաև Եվրոպայի , Ասիայի և Լատինական Ամերիկայի  շատ երկրներից։ Մեքսիկայի հասարակ քաղաքացիները նախընտրում են իրենց ժամանցը անցկացնել սեփական երկրում, իսկ վերին խավը՝ հիմնականում Եվրոպայում։
Ըստ 2011 թվականի  զբոսրջության մրցունակության տվյալների՝ Մեքսիկան 43-րդն է ամեն տարի աշխարհին տված զբոսաշրջիկների թվով։ Միևնույն ժամանակ Մեքսիկան գրավում է 13-րդ տեղը՝ ըստ զբոսաշրջիկների քանակության, 10-րդ տեղը՝ ըստ բնական ռեսուրսների և 19-րդ տեղը՝ ըստ մշակութային արժեքների և ՅՈՒՆԵՍԿՕ-ի համաշխարհային ժառանգության օբյեկտների թվի ։
Մեքսիկայի տնտեսության խոչընդոտներն են տրանսպորտային ենթակառուցվածքների վատ զարգացվածությունը (79-րդ տեղը աշխարհում), բժշության և առողջապահության մակարդակը (64-րդ տեղ) և մարդու անվտանգությունը (128-րդ)։

17 Հունվարի 2024, Չորեքշաբթի | 866