Եգիպտոսում նախաճաշին կամ լանչին ավելի հաճախ մատուցվում է կանաչ ապուր: Այն պատրաստվում է սպանախի նման կանաչ մոլոհեջա բանջարեղենից: Նաև մահսզի է մատուցվում՝ լցոնած կաղամբ հիշեցնող ճաշատեսակ: Լցոնը բաղկացած է կանաչեղենով տավարի մսից և բրնձից: Այս լցոնը փաթաթվում է տարբեր բաների մեջ: Մահսզի կրոմբը փաթաթվում է խաղողի տերևների կամ կաղամբի մեջ: Լցոնը նաև կարող է մատուցվել լոլիկի մեջ, ինչպես մահսզի տոմատում, կամ ցուկկինիի մեջ, ինչպես մահսզի կուսան, ինչպես նաև սմբուկի մեջ՝ մահսզի բիտենգեն: Այս ձևով պատրաստված բանջարեղենը եփվում է ջեռոցում և մատուցվում եփվելուց անմիջապես հետո, քանի որ երբ սառում է, կորցնում է բույրը:
Առավոտյան եգիպտացիները սենդվիչի պես մի բան են ուտում՝ տաամեյա: Այն իրենից ներկայացնում է հացի երկու կտորների մեջ դրված կոտլետ: Կոտլետը կարող է պատրաստված լինել լոբուց, սիսեռից՝ համեմունքներով և հազարի թարմ տերևով: Ֆոուլը մեկ այլ ավանդական ճաշատեսակ է: Այն պատրաստված է աղացած և տապակած կերային ընդեղենից: Լցոնը դրվում է պիտայի նման շամմա հացի մեջ: Եգիպտական շատ ռեստորաններում կարող եք գտնել տաամեյայի ու ֆոուլի տեսակներ, որոնք մատուցվում են կարագով, մսով կամ ձվով: Թորշին պատրաստվում է թթու բանջարեղենով:
Մածուկով հացը Եգիպտոսում շատ տարածված սնեք է: Հացը կոչվում է աաիշ և դրա շատ տեսակներ կան: Դրանցից մեկն աաիշ բալադին է, բարակ ու կլոր ափսեի նման: Նաև մի հաց կա գլանի նման, կոչվում է "աաիշ ֆրանսավի", ինչը նշանակում է ֆրանսիական հաց: Հացը մատուցվում է թահինի՝ քնջութի սոուսի, կիտրոնի հյութի և սխտորի հետ: Հացը նաև մատուցվում է բաբագանուկ սոուսի հետ, որը պատրաստվում է սմբուկով, սխտորով և մաղադանոսի մածուկով:

18 Հունվարի 2025, Շաբաթ | 495